Kirchberger Gnusswanderig

A de Kirchberger Gnusswanderig “wanderisch” mitere Gruppe en Rundweg ab, wo vu üs signalisiert isch. Am Wägesrand stoot denn - mol do mol deet - en “Gnussposte”, wo’s denn öppis feins z schnabuliere oder z trinke git. A üserer Gnusswanderig gits natürlich feini Sache us de Gmeind Kirchberg. Am Schluss wartet denn no e gmögigi Festwirtschaft für en chliine Absacker.

Wiiteri Infos:
De Wäg het e reini Laufziit vu öppe 2 Stund und isch Kinderwagegängig | De erst Poste isch bim alte Füürwehrdepot z Kirchberg | Jede Poste mit Fleisch het e Vegivariante | Jede Poste mit Alkohol het e Fahrervariante | Ufem Wäg wird es Kinderspiili aabote | T Gruppene pro Startziit sind maximal 25 Persone gross